Leiðbeiningarmyndbönd um atkvæðagreiðslu utan kjörfundar

Innanríkisráðuneytið hefur látið gera leiðbeiningarmyndbönd um atkvæðagreiðslu utan kjörfundar vegna alþingiskosninganna 27. apríl nk., á íslensku og ensku. Myndböndin er bæði að finna á kosningavef ráðuneytisins, kosning.is, og á YouTube.

Atkvæðagreiðsla utan kjörfundar

Atkvæðagreiðsla utan kjörfundar fer fram hjá sýslumönnum um land allt, á aðalskrifstofum eða útibúum þeirra, og erlendis hjá sendiráðum og kjörræðismönnum. 

• upplýsingar um atkvæðagreiðslu utan kjörfundar á vef sýslumanna
• upplýsingar um atkvæðagreiðslu utan kjörfundar erlendis á vef utanríkisráðuneytisins
• nánar um atkvæðagreiðslu utan kjörfundar á kosning.is

Leiðbeiningarmyndbönd

Myndböndin um framkvæmd atkvæðagreiðslu utan kjörfundar vegna alþingiskosninganna 27. apríl nk. eru hugsuð til leiðbeiningar en ítarlegri umfjöllun um kosningaathöfnina er að finna í lögum um kosningar til Alþingis.

Sjá myndböndin á YouTube:
a. íslenska
b. enska

Almennar upplýsingar um undirbúning og framkvæmd alþingiskosninganna er að finna á kosningavef innanríkisráðuneytisins kosning.is.