Aldur frambjóðenda í sveitarstjórnarkosningunum

Á framboðslistum í sveitarstjórnarkosningunum 29. maí næstkomandi eiga sæti 2846 einstaklingar, eða ríflega 1,2% kjörgengra einstaklinga í landinu. Meðalaldur frambjóðenda er 44,8 ár samanborið við 43 ár í kosningunum 2006 og 2002.

Elsti fulltrúi á framboðslista er 92 ára gamall, fæddur árið 1918, og yngstu frambjóðendurnir eru átján ára gamlir, fæddir árið 1992. Þeir eru sex talsins.