Mál nr. 100/2018 Úrskurður 28. janúar 2019
Mál nr. 100/2018 Millinafn: Danski
Hinn 28. janúar 2019 kveður mannanafnanefnd upp svohljóðandi úrskurð í máli 100/2018 en erindið barst nefndinni 13. desember 2018.
Til þess að hægt sé að samþykkja nýtt millinafn og færa það á mannanafnaskrá þurfa öll skilyrði 6. gr. laga, nr. 45/1996, um mannanöfn að vera uppfyllt. Skilyrðin eru þessi:
- Millinafn skal dregið af íslenskum orðstofnum eða hafa unnið sér hefð í íslensku máli en má þó ekki hafa nefnifallsendingu.
- Nöfn, sem aðeins hafa unnið sér hefð sem annaðhvort eiginnöfn karla eða eiginnöfn kvenna, eru ekki heimil sem millinöfn.
- Millinafn skal ritað í samræmi við almennar ritreglur íslensks máls nema hefð sé fyrir öðrum rithætti þess.
- Millinafn má ekki vera þannig að það geti orðið nafnbera til ama.
Millinafnið Danski hefur nefnifallsendingu og fullnægir þess vegna ekki skilyrðum laga um mannanöfn.