Niðurstöður um úthlutun á WTO tollkvóta á landbúnaðarafurðum fyrir tímabilið janúar til júní 2017

Þriðjudaginn 13. desember 2016 rann út umsóknarfrestur um tollkvóta vegna innflutnings á nauta-, svína-, kinda-, geita- og alifuglakjöti, unnum kjötvörum, smjöri og ostum og eggjum fyrir tímabilið 1. janúar til 30. júní 2017.

Samtals bárust þrettán umsóknir frá aðilum um tollkvótann. Til útboðs kom á tollkvótum á nauta-, svína- og  alifuglakjöti, unnum kjötvörum, ostum og eggjum þar sem umsótt magn var meira en það magn sem í boði var.

Samtals bárust ellefu gild tilboð í tollkvótann.

Sex tilboð bárust um innflutning á nautgripakjöti, samtals 127.500 kg á meðalverðinu 136 kr./kg.  Hæsta boð var 300 kr./kg en lægsta boð var 0 kr./kg. Tilboðum var tekið frá tveimur fyrirtækjum um innflutning á 47.500 kg á meðalverðinu 238 kr./kg.

Þrjú tilboð bárust um innflutning á svínakjöti, samtals 45.000 kg á meðalverðinu 34 kr./kg.  Hæsta boð var 70 kr./kg en lægsta boð var 0 kr./kg. Tilboðum var tekið frá þremur fyrirtækjum um innflutning á 32.000 kg á meðalverðinu 47 kr./kg.

Tvær umsóknir bárust um innflutning á kinda- eða geitakjöti, samtals 45.000 kg. Ekki kom til útboðs þar sem umsóknir náðu ekki því magni sem í boði var eða 172.500 kg.

Sjö tilboð bárust um innflutning á kjöti af alifuglum, samtals 149.500 kg á meðalverðinu 273 kr./kg.  Hæsta boð var 600 kr./kg en lægsta boð var 0 kr./kg. Tilboðum var tekið frá tveimur fyrirtækjum um innflutning á 29.500 kg á meðalverðinu 397 kr./kg.

Þrjár umsóknir bárust um innflutning smjöri, samtals 18.000 kg. Ekki kom til útboðs þar sem umsóknir náðu ekki því magni sem í boði var eða 26.500 kg.

Sjö tilboð bárust í tollkvóta vegna innflutnings á ostum, samtals 181.200 kg á meðalverðinu 172 kr./kg.  Hæsta boð var 450 kr./kg en lægsta boð var 1 kr./kg. Tilboðum var tekið frá sjö fyrirtækjum um innflutning á 59.500 kg á meðalverðinu 356 kr./kg.

Fjögur tilboð bárust í tollkvóta vegna innflutnings á eggjum og afurðum þeirra, samtals 56.000 kg á meðalverðinu 31 kr./kg.  Hæsta boð var 100 kr./kg en lægsta boð var 0 kr./kg.  Tilboðum var tekið frá tveimur fyrirtækjum um innflutning á 38.000 kg á meðalverðinu 40 kr./kg.

Átta tilboð bárust í tollkvóta vegna innflutnings á unnum kjötvörum, samtals 161.000 kg. á meðalverðinu 148 kr./kg. Hæsta boð var 690 kr./kg en lægsta boð var 0 kr./kg.  Tilboðum var tekið frá fjórum fyrirtækjum um innflutning á 43.000 kg á meðalverðinu 609 kr./kg.

Að tillögu ráðgjafanefndar um inn- og útflutning landbúnaðarvara hefur atvinnuvega- og nýsköpunarráðuneytið úthlutað tollkvótum til eftirtalinna fyrirtækja á grundvelli tilboða og/eða umsókna þeirra:

Nautgripakjöt fyrir tímabilið janúar - júní 2017

Svínakjöt fyrir tímabilið janúar – júní 2017

Kinda- og geitakjöt fyrir tímabilið janúar – júní 2017

Alifuglakjöt fyrir tímabilið janúar – júní 2017

Smjör fyrir tímabilið janúar – júní 2017

Ostur fyrir tímabilið janúar – júní 2017

Fuglsegg fyrir tímabilið janúar – júní 2017

Unnar kjötvörur fyrir tímabilið janúar – júní 2017

Reykjavík, 21. desember 2016

Atvinnuvega- og nýsköpunarráðuneytinu