Umsóknarfrestur um styrki til gæðaverkefna í heilbrigðisþjónustu rennur út 21. desember
Velferðarráðuneytið minnir að frestur til að sækja um árlega styrki sem veittir eru til gæðaverkefna á sviði heilbrigðisþjónustu rennur út 21. desember næstkomandi.Tilgangurinn með styrkjunum er að stuðla að umbótastarfi, nýbreytni og auknum gæðum heilbrigðisþjónustu, auk þess sem styrkjunum er ætlað að fela í sér hvatningu og vera viðurkenning fyrir störf á þessu sviði. Umsóknarfrestur er til kl. 12.00 á hádegi, föstudaginn 21. desember 2018.