Mál nr. 34/2016 Úrskurður 6. maí 2016

Mál nr. 34/2016                     Aðlögun kenninafns: Jónsdóttir

Hinn 6. maí 2016 kveður mannanafnanefnd upp svohljóðandi úrskurð í máli 34/2016 en erindið barst nefndinni 18. apríl:

Með bréfi Þjóðskrár Íslands, dags. 30. apríl 2016, var óskað úrskurðar mannanafnanefndar um beiðni xxx og yyy um að dóttir þeirra taki upp kenningu til föður síns, Joao. Óska þau að eiginnafn föðurins verði lagað að íslensku máli, Jónsdóttir.

Ekkert er í lögum nr. 45/1996, um mannanöfn, sem stendur í vegi fyrir því að fallist sé á ofangreinda beiðni.

Úrskurðarorð:

Fallist er á föðurkenninguna Jónsdóttir.