Ársfundur Ráðgjafarstofu um fjármál heimilanna
Ársfundur Ráðgjafarstofu um fjármál heimilanna var haldinn í dag á Grand Hótel í Reykjavík. Ný ársskýrsla Ráðgjafarstofu fyrir árið 2002 var kynnt en þar kemur m.a. fram að árið 2002 sé metár í sögu Ráðgjafarstofunnar. Heildarfjöldi afgreiddra umsókna var 835 eða 25% fleiri en árið á undan.
Á fundinum opnaði nýskipaður félagsmálaráðherra, Árni Magnússon, nýja heimasíðu Ráðgjafarstofu en á vefnum er að finna ýmsar hagnýtar upplýsingar.
Ársskýrsla Ráðgjafarstofu um fjármál heimilanna 2002
Að Ráðgjafarstofunni standa félagsmálaráðuneytið, Íbúðalánasjóður, Reykjavíkurborg, Landsbanki Íslands h.f., Íslandsbanki h.f., Búnaðarbanki Íslands h.f., Samband íslenskra sveitarfélaga, Samband íslenskra sparisjóða, Neytendasamtökin, Þjóðkirkjan, Landsamtök lífeyrissjóða, ASÍ og BSRB.
Fleiri myndir:
|
|
|