Mannanafnanefnd, úrskurður 8. maí 2009

FUNDARGERÐ

Ár 2009, föstudaginn 8. maí, var haldinn símafundur í mannanafnanefnd. Viðstödd voru Kolbrún Linda Ísleifsdóttir, Ágústa Þorbergsdóttir og Veturliði G. Óskarsson. Neðangreint mál var tekið fyrir:

1.         Mál nr. 34/2009          Eiginnafn:        Keran  (kk.)

Kveðinn er upp svohljóðandi úrskurður:

Eiginnafnið Keran (kk.) tekur beygingu í eignarfalli, Kerans, og telst að öðru leyti uppfylla ákvæði 5. gr. laga nr. 45/1996 um mannanöfn.

Úrskurðarorð:

Beiðni um eiginnafnið Keran  (kk.) er samþykkt og skal nafnið fært á mannanafnaskrá.

- - - - - - - - - - - - - - - - - - - - - - - - - - - - - - - - - - -

Fleira var ekki tekið fyrir og fundi slitið.