Breyting á reglugerð um húsnæðisbætur
Sigurður Ingi Jóhannsson, innviðaráðherra, hefur gefið út reglugerð um breytingu á reglugerð nr. 1200/2016, um húsnæðisbætur.
Um er að ræða frítekjumörk þeirra einstaklinga sem þiggja húsnæðisbætur vegna leigu íbúðarhúsnæðis. Frítekjumörkin hækka um 5,6% en mörkin voru hækkuð afturvirkt um mitt ár 2023 svo samtals nemur hækkun milli ára 8,2%.
Frá og með 1. janúar 2024 eru uppreiknuð frítekjumörk í 14. gr. reglugerðarinnar eftirfarandi:
| Fjöldi heimilismanna | Frítekjumörk m.v. árstekjur |
| 1 | 5.690.772 kr. |
| 2 | 7.526.505 kr. |
| 3 | 8.811.518 kr. |
| 4 eða fleiri | 9.545.812 kr. |
Reglugerð þessi er sett á grundvelli 4. mgr. 17. gr. sbr. 4. tölul. 1. mgr. og 2. mgr. 30. gr. laga um húsnæðisbætur, nr. 75/2016.