Fjölskylduvefur

Laugardaginn 15. maí á alþjóðlegum degi fjölskyldunnar opnaði Árni Magnússon félagsmálaráðherra nýjan fjölskylduvef í Ásmundarsal v/Sigtún.

Meginhugmyndin að baki fjölskylduvefnum er að búa til upplýsingavef sem geymir upplýsingar um helstu málefni er snerta líf fjölskyldna í landinu. Markmiðið með vefnum er að auðvelda fjölskyldum að átta sig á réttindum sínum og skyldum, og hvert þær eigi að sækja þá þjónustu sem í boði er.

Með því að hafa tengla inn á aðrar síður sem fjalla um málefni fjölskyldunnar má segja að vefsíðan fjolskylda.is sé „inngangurinn" þar sem reynt er að draga saman á einn stað það efni og þá þjónustu sem finna má á veraldarvefnum um málefni fjölskyldunnar.

^{Smelltu á myndina til að skoða vefinn}