Mál nr. 61/2019 úrskurður 22. júlí 2019
Mál nr. 61/2019 Eiginnafn: Varmi
Hinn 22. júlí 2019 kveður mannanafnanefnd upp svohljóðandi úrskurð í máli 61/2019, en erindið barst nefndinni 12. júlí.
Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:
- Eiginnafn skal geta tekið íslenska eignarfallsendingu eða hafa unnið sér hefð í íslensku máli.
- Nafnið má ekki brjóta í bág við íslenskt málkerfi.
- Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
- Eiginnafn má ekki vera þannig að það geti orðið nafnbera til ama.
Eiginnafnið Varmi tekur íslenskri beygingu í eignarfalli, Varma, og telst að öðru leyti uppfylla ákvæði 5. gr. laga um mannanöfn.