Skipað í ráðgjafarnefnd Jöfnunarsjóðs sveitarfélaga

Sigurður Ingi Jóhannsson samgöngu- og sveitarstjórnarráðherra hefur skipað fulltrúa í ráðgjafarnefnd Jöfnunarsjóðs sveitarfélaga. Formaður nefndarinnar er Guðný Sverrisdóttir, fyrrverandi sveitarstjóri Grýtubakkahreppi, sem skipuð er án tilnefningar og varaformaður með sama hætti er Sigtryggur Magnason aðstoðarmaður ráðherra. Samband íslenskra sveitarfélaga hefur tilnefnt sex fulltrúa til setu í nefndinni og jafn marga til vara.

Hlutverk ráðgjafarnefndar Jöfnunarsjóðs sveitarfélaga er að gera tillögur til ráðherra um úthlutanir einstakra framlaga úr sjóðnum annarra en bundinna framlaga. Nefndin er skipuð til fjögurra ára frá og með 1. janúar 2019.

Samkvæmt tilnefningu stjórnar Sambands íslenskra sveitarfélaga hefur ráðherra því einnig skipað eftirtalda aðalmenn og varamenn í ráðgjafarnefndina:

Aðalmenn:

• Birgir Björn Sigurjónsson, fjármálastjóri Reykjavíkurborgar
• Karen E. Halldórsdóttir, bæjarfulltrúi í Kópavogsbæ
• Daníel Jakobsson, bæjarfulltrúi í Ísafjarðarbæ
• Stefán Vagn Stefánsson, formaður byggðaráðs í Sveitarfélaginu Skagafirði
• Ásta Stefánsdóttir, sveitarstjóri Bláskógabyggðar
• Margrét Þórarinsdóttir, bæjarfulltrúi í Reykjanesbæ
  

Varamenn:

• Líf Magneudóttir, borgarfulltrúi í Reykjavík
• Kristinn Andersen, bæjarfulltrúi í Hafnarfirði
• Friðbjörg Matthíasdóttir, bæjarfulltrúi í Vesturbyggð
• Katrín Sigurjónsdóttir, sveitarstjóri Dalvíkurbyggðar
• Stefán Bogi Sveinsson, bæjarfulltrúi Fljótsdalshéraðs
• Tómas Ellert Tómasson, bæjarfulltrúi Sveitarfélagsins Árborg 

Fráfarandi ráðgjafarnefnd sjóðsins eru færðar þakkir fyrir vel unnin störf.