Embætti ríkissaksóknara auglýst laust til umsóknar
Innanríkisráðherra hefur auglýst laust til umsóknar embætti ríkissaksóknara. Miðað er við að skipað verði í embættið frá og með 1. apríl nk., en þá lætur Valtýr Sigurðsson af störfum.
Samkvæmt 20. gr. laga nr. 88/2008 um meðferð sakamála nýtur ríkissaksóknari sömu lögkjara og hæstaréttardómarar. Við skipun í embættið verður því höfð hliðsjón af reglum við skipun dómara í samræmi við breytingar sem gerðar hafa verið á lögum um dómstóla, nr. 620/2010. Skipuð verður nefnd sem verður falið að meta hæfni umsækjenda og skila rökstuddu mati til ráðherra.
Umsóknir skulu berast innanríkisráðuneytinu eigi síðar en 28. febrúar nk. Sjá meðfylgjandi auglýsingu.