Greiðsluuppgjör ríkissjóðs janúar-maí 2016
Greiðsluuppgjör ríkissjóðs fyrir janúar - maí 2016 liggur nú fyrir og gefur upplýsingar um afkomu ríkissjóðs á grundvelli innheimtra tekna og greiddra gjalda. Handbært fé frá rekstri batnaði verulega á milli ára og var jákvætt um 15,2 ma.kr. samanborið við neikvætt handbært fé upp á 32,4 ma.kr. 2015. Þetta skýrist að stærstum hluta með tekjum af stöðugleikaframlagi á árinu 2016 sem námu 17 ma.kr í janúar og 25 ma.kr í mars. Handbært fé lækkar um 7,3 ma.kr. samanborið við lækkun um 45,7 ma.kr. á árinu 2015.