Jafnrétti í þágu sjálfbærrar framtíðar

Jafnrétti í þágu sjálfbærrar framtíðar var yfirskrift samkomu sem skrifstofa UN Women á Indlandi stóð fyrir í tilefni af baráttudegi kvenna 8. mars. Sendiherra tók þátt og mun einnig sækja ýmsar aðrar samkomur sem fram fara í vikunni af þessu tilefni. Til samkomunnar var boðið fjölmörgum konum og stúlkum frá ýmsum fylkjum landsins og var samkoman liður í átaki UN Women á Indlandi sem kallast „Lesser than No One“ og styður konur sem staðið hafa framarlega í jafnréttisbaráttunni á ýmsum sviðum. Eistneski sendiherrann, sem er samræmingaraðili sendiráða Evrópuríkjanna í jafnréttismálum, flutti ávarp. Ísland hefur um árabil veitt umtalsverðu fé til starfsemi UN Women.