Hraðamyndavélar í Bolungarvíkurgöngum og Héðinsfjarðargöngum

Í dag verða teknar í notkun hraðamyndavélar í Bolungarvíkurgöngum og Héðinsfjarðargöngum. Uppsetningin er liður í umferðaröryggisáætlun stjórnvalda og er tilgangurinn sá að draga úr ökuhraða á og fækka slysum.

Í dag verða teknar í notkun hraðamyndavélar í Bolungarvíkurgöngum og Héðinsfjarðargöngum. Uppsetningin er liður í umferðaröryggisáætlun stjórnvalda og er tilgangurinn sá að draga úr ökuhraða á og fækka slysum.

Umferðaröryggisáætlun er hluti samgönguáætlunar og vinna Vegagerðin, innanríkisráðuneytið, ríkislögreglustjóri og Umferðarstofa að uppsetningu hraðamyndavélanna. Um er að ræða stafræna myndatöku þar sem upplýsingar um hraðabrot eru sendar samstundis til lögreglunnar. Ekki er tekin mynd nema um brot sé að ræða.