Auglýsing um takmörkun á samkomum vegna farsóttar birt í Stjórnartíðindum
Birt hefur verið í Stjórnartíðindum auglýsing heilbrigðisráðherra um takmörkun á samkomum vegna farsóttar. Eins og fram kom í tilkynningu á vef Stjórnarráðsins í gær ákvað heilbrigðisráðherra í samræmi við tillögu sóttvarnalæknis að takmarka samkomur enn frekar en áður vegna hraðari útbreiðslu Covid-19 í samfélaginu. Viðburðir þar sem fólk kemur saman verða takmarkaðir við 20 manns í stað 100 áður. Ákvörðunin tekur gildi á miðnætti í kvöld.