Innanríkisráðherra skipar í ráðgjafarnefnd Jöfnunarsjóðs sveitarfélaga

Ólöf Nordal innanríkisráðherra hefur skipað fulltrúa í ráðgjafarnefnd Jöfnunarsjóðs sveitarfélaga. Formaður nefndarinnar er Guðný Sverrisdóttir, fyrrverandi sveitarstjóri í Grýtubakkahreppi, sem skipuð er án tilnefningar og varaformaður skipaður með sama hætti er Ólafur Adolfsson, bæjarfulltrúi í Akraneskaupstað.

Með breytingu á lögum um tekjustofna sveitarfélaga, nr. 4/1995 sem tók gildi 16. desember síðastliðinn, er fulltrúum í ráðgjafarnefndinni fjölgað úr fimm í sjö. Samband íslenskra sveitarfélaga hefur tilnefnt fjóra fulltrúa til setu í nefndinni en tilnefnir nú sex fulltrúa og jafn marga til vara.

Samkvæmt tilnefningu stjórnar Sambands íslenskra sveitarfélaga hefur ráðherra því einnig skipað eftirtalda aðalmenn og varamenn í ráðgjafarnefndina:

Aðalmenn:  

• Birgir Björn Sigurjónsson, fjármálastjóri Reykjavíkurborgar
  
• Karen E. Halldórsdóttir, bæjarfulltrúi í Kópavogsbæ           
  
• Bjarni Jónsson, sveitarstjórnarfulltrúi í Sveitarfélaginu Skagafirði          
  
• Sigríður Huld Jónsdóttir, bæjarfulltrúi í Akureyrarkaupstað             
  
• Valdimar O. Hermannsson, bæjarfulltrúi í Fjarðabyggð             
  
• Ásgerður Gylfadóttir, bæjarfulltrúi í Sveitarfélaginu Hornafirði                         

Varamenn:  

• Ellý Katrín Guðmundsdóttir, borgarritari í Reykjavíkurborg           
  
• Bryndís Haraldsdóttir, bæjarfulltrúi í Mosfellsbæ          
  
• Kristján Andri Guðjónsson, bæjarfulltrúi í Ísafjarðarbæ            
  
• Sveinn Pálsson, sveitarstjóri í Dalabyggð     
  
• Soffía Helgadóttir, bæjarfulltrúi í Norðurþing
• Ólafur Þór Ólafsson, bæjarfulltrúi í Sandgerðisbæ

Starfstími nefndarinnar er fram að sveitarstjórnarkosningum 2018.

Fráfarandi ráðgjafarnefnd Jöfnunarsjóðs sveitarfélaga eru færðar þakkir fyrir vel unnin störf.