Streymt frá kynningu á frumvarpi til laga um lagareldi
Streymt verður frá opnum kynningarfundi þar sem Bjarkey Olsen Gunnarsdóttir matvælaráðherra mun kynna frumvarp til laga um lagareldi. Fundurinn verður haldinn í sal Club Vox á 1. hæð Hilton Reykjavík Nordica í dag, miðvikudaginn 8. maí, kl. 11.00.
Að lokinni kynningu ráðherra mun Kolbeinn Árnason skrifstofustjóri matvæla fara nánar yfir þær breytingar sem hafa orðið á frumvarpinu að loknu samráðsferli. Tilgangur frumvarpsins er að skapa greininni ramma sem tryggir að sjálfbærni og vernd lífríkisins verði höfð að leiðarljósi og hefur víðtækt samráð verið haft hagaðila til að ná settu marki.
Þeir Karl Steinar Óskarson, deildarstjóri fiskeldis hjá Matvælastofnun og Guðni Guðbergsson, sviðsstjóri hjá Hafrannsóknastofnun munu einnig segja frá aðkomu sinna stofnana að frumvarpinu og hverju lögin myndu breyta fyrir þeirra starfsemi.
Fylgjast má með streymi frá fundinum hér.