Raddir í loftinu í París

Sigríður Ósk Kristjánsdóttir mezzó-sópran og Edda Erlendsdóttir píanóleikari héldu fallega og fjölbreytta tónleika í sendiherrabústaðnum í París þann 10. október sl.  

Efnisskráin bar yfirskriftina Raddir í Loftinu sem er einnig titill ljóðaflokks eftir Sigurð Pálsson, en tónskáldið John Speight samdi söngflokk við valin ljóð úr þessum flokki sérstaklega fyrir Sigríði Ósk. Þá fluttu þær einnig sönglög frá Íslandi, Spáni, Feneyjum og Frakklandi ásamt hebreskum seiðandi söngvum eftir tónskáldin Hahn, Ravel og Rauter.

Viðburðurinn var vel sóttur og voru gestirnir úr ýmsum áttum menningargeirans, þ.á.m. tónlistarmenn, umboðsmenn og blaðamenn.