Mál nr. 96/2018 Úrskurður 13. desember 2018

Mál nr. 96/2018                    Eiginnafn:     Oktavías (kk.)

Hinn 13. desember 2018 kveður mannanafnanefnd upp svohljóðandi úrskurð í máli 96/2018 en erindið barst nefndinni 26. nóvember.

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

• Eiginnafn skal geta tekið íslenska eignarfallsendingu eða hafa unnið sér hefð í íslensku máli.
• Nafnið má ekki brjóta í bág við íslenskt málkerfi.
• Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
• Stúlku skal gefa kvenmannsnafn og dreng skal gefa karlmannsnafn.
• Eiginnafn má ekki vera þannig að það geti orðið nafnbera til ama.

Eiginnafnið Oktavías (kk.) tekur íslenskri beygingu í eignarfalli, Oktavíasar, og telst að öðru leyti uppfylla ákvæði 5. gr. laga nr. 45/1996 um mannanöfn.

Úrskurðarorð:

Beiðni um eiginnafnið Oktavías (kk.) er samþykkt og skal nafnið fært á mannanafnaskrá.