Ársfundur Jöfnunarsjóðs sveitarfélaga á föstudag
Föstudaginn 2. október verður haldinn ársfundur Jöfnunarsjóðs sveitarfélaga. Hefst hann með ávarpi Kristjáns L. Möller samgönguráðherra.
Fundurinn verður haldinn á Hótel Nordica í sal F-G og hefst klukkan 12. Að loknu ávarpi ráðherra flytur Elín Pálsdóttir, forstöðumaður Jöfnunarsjóðs, ársskýrslu og síðan fjallar Hermann Sæmundsson, skrifstofustjóri í samgönguráðuneytinu, um aukaframlag Jöfnunarsjóðs fyrir árið 2009. Fundarstjóri verður Guðmundur Bjarnason, formaður ráðgjafarnefndar Jöfnunarsjóðs.