Skattaleg umgjörð orkuvinnslu – opinn fundur með ráðherra

Starfshópur sem fjármála- og efnahagsráðherra skipaði í júní í fyrra um skattlagningu orkuvinnslu hefur skilað tillögum til ráðherra. Hópurinn skoðaði m.a möguleika á nýrri skattalegri umgjörð og leiðir til að tryggja að ávinningur vegna nýtingar auðlinda skili sér í ríkari mæli til nærsamfélaga og þeirra aðila sem fyrir áhrifum verða.

Formaður starfshópsins var Hilmar Gunnlaugsson, lögmaður. Hann og Þórdís Kolbrún Reykfjörð Gylfadóttir, fjármála- og efnahagsráðherra, kynna tillögur hópsins á opnum fundi í fjármála- og efnahagsráðuneytinu fimmtudaginn 8. febrúar klukkan 11:30.

Öll áhugasöm eru velkomin á fundinn. Einnig verður hægt að fylgjast með fundinum í gegnum fjarfundabúnað.

Skráning á fjarfund