Hækkun útgjaldajöfnunarframlaga og framlaga vegna lækkunar tekna af fasteignaskatti

Samgöngu- og sveitarstjórnarráðherra hefur samþykkt tillögu ráðgjafarnefndar Jöfnunarsjóðs sveitarfélaga um að hækka útgjaldajöfnunarframlög sjóðsins vegna ársins 2020 um 1.550 m.kr. Áætlað útgjaldajöfnunarframlag skv. A-hluta framlaganna nemur því 9.000 m.kr.

Áætlað framlag vegna B-hluta útgjaldajöfnunarframlaga ársins nemur 575 m.kr. en í lok ársins verður úthlutað 175 m.kr. á grundvelli umsókna frá sveitarfélögum vegna íþyngjandi kostnaðar við skólaakstur á árinu 2020 umfram tekjur. Jafnframt er áætlað að 50 m.kr. verði úthlutað vegna akstursþjónustu fatlaðs fólks úr dreifbýli. 

Samtals nema því útgjaldajöfnunarframlög 9.800 m.kr. á árinu 2020.

Hækkun útgjaldajöfnunarframlaga byggir m.a. á heimild í lögum um tekjustofna sveitarfélaga sem heimilar Jöfnunarsjóði að nýta allt að 1.500 m.kr. úr Fasteingasjóði Jöfnunarsjóðs sveitarfélaga til greiðslu almennra jöfnunarframlaga sjóðsins. 

• Yfirlit um útgjaldajöfnunarframlög

Ráðherra hefur jafnframt samþykkt tillögu nefndarinnar um hækkun framlaga vegna lækkunar fasteignaskattstekna á árinu 2020 og nemur hækkunin 274,7 m.kr.

• Yfirlit um framlög vegna lækkunar fasteignaskattstekna