Nr. 094, 26. október 1999.Opinber heimsókn Sergei Katanandov, formanns ríkisstjórnar rússneska Karelíulýðveldisins
![]() |
![]() |
FRÉTTATILKYNNING
frá utanríkisráðuneytinu
________
Nr. 94
Sergei Katanandov, formaður ríkisstjórnar rússneska Karelíulýðveldisins, kemur í opinbera heimsókn til Íslands dagana 26.-29. október næstkomandi í boði Halldórs Ásgrímssonar, utanríkisráðherra.
Á meðan á dvölinni stendur mun formaður ríkisstjórnar Karelíulýðveldisins eiga viðræður við Halldór Ásgrímsson, utanríkisráðherra og Árna M. Mathiesen, sjávarútvegsráðherra um samskipti Íslands og Karelíu með áherslu á að efla samskipti og viðskiptatengsl.
Sergei Katanandov mun jafnframt ferðast til Akureyrar og Dalvíkur og eiga fundi með forráðamönnum íslenskra fyrirtækja. Hann mun meðal annars heimsækja Byko hf. í Kópavogi, Snæfell hf. á Dalvík, Marel hf. í Reykjavík og Fiskafurðir hf. á Seltjarnarnesi. Í Dalvíkurhöfn mun hann kynna sér útgerð og vinnslu um borð í frystitogaranum Björgvin.
Utanríkisráðuneytið
Reykjavík, 26. október 1999.