Opnað fyrir umferð á nýjum vegi yfir Kolgrafafjörð

Samgönguráðherra var fyrstur til að aka yfir Kolgrafafjörð.

Um er að ræða mikið mannvirki sem lengi hefur verið beðið, en með nýjum vegi er Snæfellsnes nú eitt þjónustu og atvinnusvæði.

Nýi vegurinn styttir ekki einungis leiðina milli Grundarfjarðar og Stykkishólms um 7 kílómetra, heldur eykur hann öryggi vegfarenda sem nú eiga kost á því að aka Snæfellsnesið á láglendisvegi.

Nýja mannvirkið yfir Kolgrafafjörð er liður í því að bæta samgöngur, auka umferðaröryggi og auka straum innlendra og erlendra ferðamanna á Snæfellsnesi. Næsta skref í þá átt verður að leggja Útnesveg í gegnum Þjóðgarðinn sem hefur sjálfan Snæfellsjökul í miðju sinni.