Aukafjárveiting til Alþjóðaheilbrigðismálastofnunarinnar (WHO)

Ríkisstjórnin hefur samþykkt tillögu Jóns Kristjánssonar, heilbrigðis- og tryggingamálaráðherra, um sérstakt framlag til Alþjóðaheilbrigðismálastofnunarinnar (WHO). Stofnunin bað í upphafi árs aðildarþjóðirnar um aukafjárveitingu vegna náttúruhamfaranna við Indlandshaf. Aukafjárveitingin nemur 10 milljónum króna og er framlagið í samræmi við það sem aðrar Norðurlandaþjóðir hafa lagt fram vegna beiðni WHO um aukafjárveitingu.