Garpur Dagsson - Umsögn um fyrstu áfangaskýrslu stjórnarskrárnefndar

Til stjórnarskrárnefndar Alþingis: 

Undirritaður bendir á að mál þau sem fjallað er um í skýrslunni sem Stjórnarskrárnefnd 2013 lagði fram í júní á þessu ári hafa fengið málefnalega og ítarlega meðferð hjá íslensku þjóðinni.  Með skipan Stjórnarskrárnefndarinnar 2013 gerðu stjórnvöld tilraun til að hunsa vilja þjóðarinnar sem fram kom í þjóðaratkvæðagreiðslu þann 20. október, 2012.  Þá samþykktu 67 % þeirra sem afstöðu tóku að tillaga að nýrri stjórnarskrá, sem Stjórnlagaráð lagði fram, skuli lögð til grundvallar frumvarpi að nýrri stjórnarskrá.

Ég krefst þess að nefndin ljúki starfi sínu tafarlaust með því að gera tillögu til Alþingis um að það samþykki frumvarp til nýrrar stjórnarskrár sem íslenskir kjósendur hafa efnislega þegar samþykkt og lagt var fram á Alþingi vorið 2013.  Þannig getur nefndin stuðlað að lýðræðislegri niðurstöðu stjórnarskrármálsins.

Bestu kveðjur

Garpur Dagsson
B.Sci. Comp. Sci.