Mál nr. 130/2021 Úrskurður 12. október 2021

Mál nr. 130/2021                  Millinafn:       Ármúla

Hinn 12. október 2021 kveður mannanafnanefnd upp svohljóðandi úrskurð í máli 130/2021 en erindið barst nefndinni 14. september.

Til þess að heimilt sé að samþykkja nýtt millinafn þurfa öll skilyrði 6. gr. laga, nr. 45/1996, um mannanöfn, að vera uppfyllt. Skilyrði 2. mgr. 6. gr. eru:

• millinafn skal dregið af íslenskum orðstofnum eða hafa áunnið sér hefð í íslensku máli en má þó ekki hafa nefnifallsendingu.
• ·nöfn sem aðeins hafa unnið sér hefð sem annað hvort eiginnöfn karla eða eiginnöfn kvenna, eru ekki heimil sem millinöfn.
• millinafn má eki vera þannig að það geti orðið nafnbera til ama.

Millinafnið Ármúla er dregið af íslenskum orðstofni, hefur ekki nefnifallsendingu og hvorki unnið sé hefð sem eiginnafn karla eða kvenna. Nafnið er heldur ekki ættarnafn í skilningi 7. gr. laga, nr. 45/1996, um mannanöfn. Nafnið Ármúla uppfyllir þannig ákvæði 6. gr. fyrrnefndra laga.

Úrskurðarorð:

Beiðni um millinafnið Ármúla er samþykkt og skal nafnið fært á mannanafnaskrá.