Grænar lausnir til umræðu á fundi Indó-íslensku viðskiptasamtakanna (IIBA)
Guðni Bragason sendiherra ávarpaði félagafund Indó-íslensku viðskiptasamtakanna (IIBA) í Nýju-Delhí 24. september síðastliðinn og minntist á góða samvinnu Íslands og Indlands í alþjóðasamstarfi. Ræddi hann helstu áherslur íslenskra stjórnvalda í alþjóðastjórnmálum og utanríkisviðskiptum um þessar mundir, m.a. áherslu á öryggi, mannréttindi og sjálfbæra þróun. Sendiherra minntist einnig á áherslur í samstarfinu með Íslandsstofu (Business Iceland). Frá Reykjavík tóku þátt í fundinum Svanhvít Aðalsteinsdóttir, nýr forstöðumaður viðskiptaþjónustu utanríkisráðuneytisins og Einar Hansen Tómasson, yfirmaður orkusamvinnu og grænna lausna hjá Íslandsstofu. Kynnti hann nýjar áherslur Íslandsstofu í þeim efnum.
