Málþing um flutning þjónustu við fatlaða til sveitarfélaga
Félags- og tryggingamálaráðuneytið, samgönguráðuneytið og Samband íslenskra sveitarfélaga standa að málþingi um flutning þjónustu við fatlaða frá ríki til sveitarfélaga miðvikudaginn 20. maí 2009. Fundarstaður er Hilton Hótel Nordica og fundartími er frá kl. 10:00 til kl. 15:30.
Markmið málþingsins er að leiða saman faghópa, sveitarstjórnarmenn, aðra hagsmunaaðila og áhugafólk um þjónustu við fatlaða og félagsþjónustu almennt og skapa vettvang til skoðanaskipta um framkvæmd tilfærslu á þjónustu við fatlaða frá ríki til sveitarfélaga í samræmi við viljayfirlýsingu aðila frá 13. mars. 2009.
Málþingið hefst með stuttum ávörpum og almennir kynningu. Málþingið starfar í fimm málstofum og lýkur með pallborðsumræðu. Málstofur fjalla um eftirtalda efnisflokka: Aðferð við tilfærsluna - framtíðarsýn félagsþjónustu - myndun þjónustusvæða - starfsmannamál - mat á þörf fatlaðra fyrir þjónustu.
Þátttökugjald er 5.000 kr. fyrir manninn. Hádegisverður og aðrar veitingar eru innifaldar í þátttökugjaldi.
Skráning þátttöku fer fram á heimasíðu Sambands íslenskra sveitarfélaga.
