Ráðherra skipar nýja stjórn Rannsóknasjóðs

Háskóla-, iðnaðar- og nýsköpunarráðherra, Áslaug Arna Sigurbjörnsdóttir, hefur skipað nýja stjórn Rannsóknasjóðs, sbr. 4. gr. laga nr. 3/2003 um opinberan stuðning við vísindarannsóknir. Skipunartími stjórnar er til 15. desember 2025. Hlutverk Rannsóknasjóðs er að styrkja vísindarannsóknir á Íslandi. Í þeim tilgangi styrkir sjóðurinn skilgreind rannsóknarverkefni einstaklinga, rannsóknarhópa, háskóla, rannsóknastofnana og fyrirtækja. Rannsóknasjóður veitir styrki samkvæmt almennum áherslum Vísinda- og tækniráðs og á grundvelli faglegs mats á gæðum rannsóknarverkefna, færni þeirra einstaklinga sem stunda rannsóknirnar og aðstöðu þeirra til að sinna verkefninu. Stjórnarmenn eru tilnefndir af vísindanefnd Vísinda- og tækniráðs.

Stjórn Rannsóknasjóðs 2022-2025 skipa:

• Lárus Thorlacius, formaður, Háskóli Íslands.
• Varamaður: Pétur Orri Heiðarsson, Háskóli Íslands.

• Þóra Pétursdóttir, varaformaður, Háskólinn í Osló, Noregi.
• Varamaður: Halldór Björnsson, Veðurstofa Íslands.

• Ármann Gylfason, Háskólinn í Reykjavík.
• Varamaður: Björn Þór Jónsson, Háskólinn í Reykjavík.

• Þorgerður Einarsdóttir, Háskóli Íslands.
• Varamaður: Sif Einarsdóttir, Háskóli Íslands.

• Þórður Óskarsson, Moffitt Cancer Center, Bandaríkjunum.
• Varamaður: Unnur Styrkársdóttir, Íslensk erfðagreining.