Mál nr. 109/2024 Úrskurður 21. október 2024

Mál nr. 109/2024                  Eiginnafn: Heiðsteinn (kk.)

Hinn 21. október 2024 kveður mannanafnanefnd upp svohljóðandi úrskurð í máli nr. 109/2024 en erindið barst nefndinni 2. október.

Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:

1. Eiginnafn skal geta tekið íslenska eignarfallsendingu eða hafa unnið sér hefð í íslensku máli.
2. Nafnið má ekki brjóta í bág við íslenskt málkerfi.
3. Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
4. Eiginnafn má ekki vera þannig að það geti orðið nafnbera til ama.

Eiginnafnið Heiðsteinn (kk.) tekur íslenskri beygingu í eignarfalli, Heiðsteins, og uppfyllir að öðru leyti ákvæði 5. gr. laga um mannanöfn.

Úrskurðarorð:

Beiðni um eiginnafnið Heiðsteinn (kk.) er samþykkt og skal nafnið fært á mannanafnaskrá.