Fangelsismálastofnun opnar vef, www.fangelsi.is

Fangelsismálastofnun hefur opnað nýjan vef www.fangelsi.is þar sem er að finna upplýsingar um starfsemi stofnunarinnar þar á meðal um fullnustu dóma, fangelsi ríkisins, fangavist, gæsluvarðhald og samfélagsþjónustu. Vefnum er einnig ætlað að miðla upplýsingum til skjólstæðinga stofnunarinnar, aðstandenda og annara sem að málum þeirra koma.

Fangelsisimálastofnun fer með stjórn á rekstri fangelsa, annast fullnustu refsidóma og eftirlit með þeim, sem dæmdir eru skilorðsbundið, fá skilorðsbundna reynslulausn, náðun eða frestun afplánunar. Þá sinnir stofnunin félagslegri þjónustu við fanga og tryggir að í fangelsum sé veitt sérhæfð þjónusta. Einnig má nálgast vefinn á slóðinni www.fangelsismalastofnun.is.

Vefnum er ætlað að auka þjónustu við borgarana, í samræmi við stefnu ríkisstjórnarinnar.