Ísland og Indland hafa sömu markmið og hugsjónir í umhverfis- og loftlagsmálum, sagði Guðni Bragason sendiherra í ávarpi á samkomu í Nýju-Delhí. Samkoman var haldin á vegum Oorja-stofnunarinnar, en frumkvöðull hennar er Deepti Rawat Bhardwaj, fyrrverandi aðstoðarráðherra fyrir menntamál og formaður í kvenna- og jafnréttisstarfi stjórnarflokksins (BJP). Viðstöddum var boðið að gróðursetja tré í þágu komandi kynslóða. Sagði sendiherra, að trjárækt skipaði sérstakan sess í huga Íslendinga, eins og Indverja. Minntist hann á skógræktarframtak Vigdísar Finnbogadóttur fyrrverandi forseta, og starf Landgræðslunnar og Skógræktarinnar á Íslandi í rúmlega eina öld og sagði auk þess frá Landgræðsluskólanum og Jafnréttisskólanum.Efnisorð
