Mál nr. 53/2012, úrskurður 8. ágúst 2012

Mál nr. 53/2012 Eiginnafn: Kæja

Hinn 8. ágúst 2012 kveður mannanafnanefnd upp svohljóðandi úrskurð í máli 53/2012:

Mannanafnanefnd hefur borist ábending um að eiginnafnið Kæja (kvk.) sé ekki á mannanafnaskrá.

Eiginnafnið Kæja tekur íslenskri beygingu í eignarfalli, Kæju, og telst að öðru leyti uppfylla ákvæði 5. gr. laga nr. 45/1996 um mannanöfn.

Úrskurðarorð:

Eiginnafnið Kæja (kvk.) skal fært á mannanafnaskrá.