Spurt um alnæmissmit

Eitt hundrað áttatíu og þrír höfðu greinst með alnæmissmit hér á landi 1. desember sl. 141 karl og 42 konur. Þetta kemur m.a. fram í svari Jóns Kristjánssonar, heilbrigðis- og tryggingamálaráðherra, við fyrirspurn Guðrúnar Ögmundsdóttur, Samfylkingu, sem spurði ráðherra um alnæmissmit á Íslandi. Aðspurður upplýsti ráðherra að kaup á um 200.000 smokkum til ókeypis dreifingar sem tilraunaverkefni meðal áhættuhópa gætu numið 10–12 milljónum króna á ári. Dreifing ókeypis smokka er talin hafa gefist vel sums staðar á Norðurlöndum.

Sjá nánar: http://www.althingi.is/altext/132/s/0744.html