Mál nr. 10/2020 úrskurður 20. febrúar 2020
Mál nr. 10/2020 Eiginnafn: Grey (kk.)
Hinn 20. febrúar 2020 kveður mannanafnanefnd upp svohljóðandi úrskurð í máli 10/2020 en erindið barst nefndinni 2. febrúar 2020.
Til þess að heimilt sé að samþykkja nýtt eiginnafn þurfa öll skilyrði 5. gr. laga, nr. 45/1996, um mannanöfn að vera uppfyllt. Skilyrðin eru:
- Eiginnafn skal geta tekið íslenska eignarfallsendingu eða hafa unnið sér hefð í íslensku máli.
- Nafnið má ekki brjóta í bág við íslenskt málkerfi.
- Það skal ritað í samræmi við almennar ritreglur íslensks máls nema hefð sé fyrir öðrum rithætti þess.
- Eiginnafn má ekki vera þannig að það geti orðið nafnbera til ama.
Mannanafnanefnd telur að almenn merking nafnorðsins grey ‘e-r sem maður vorkennir, vesalingur’ í eiginnafninu Grey (kk.) geti orðið nafnbera til ama.