Verkefnisstjórn um verkefnaflutning milli ríkis og sveitarfélaga

Á árlegum samráðsfundi ríkis og sveitarfélaga sem haldinn var 16. febrúar síðastliðinn var ákveðið að hefja formlegar viðræður um að sveitarfélög taki að sér verkefni sem ríkið hefur á sinni könnu. Var einkum rætt um málefni fatlaðra og aldraðra.

Meginverkefni verkefnisstjórnar, sem var skipuð í dag, er að fjalla um breytingar á verkaskiptingu ríkis og sveitarfélaga á sviði velferðarmála.

Í verkefnisstjórninni eiga sæti:

• Ragnhildur Arnljótsdóttir, ráðuneytisstjóri í félagsmálaráðuneyti, formaður,
• Lúðvík Geirsson, bæjarstjóri Hafnarfjarðarkaupstaðar,
• Árni Þór Sigurðsson, borgarfulltrúi og varaformaður Sambands íslenskra sveitarfélaga,
• Sigrún Björk Jakobsdóttir, bæjarstjóri Akureyrarkaupstaðar,
• Ólafur Hjálmarsson, skrifstofustjóri í fjármálaráðuneyti,
• Svanhvít Jakobsdóttir, skrifstofustjóri í heilbrigðis- og tryggingamálaráðuneyti.

Verkefnisstjórnin skal einnig stýra vinnu tveggja nefnda sem fjalla eiga um verkaskiptingu á sviði málefna fatlaðra annars vegar og hins vegar á sviði þjónustu við aldraða. Félagsmálaráðherra skipar í nefndina sem fjallar um breytingar á verkaskiptingu ríkis og sveitarfélaga á sviði málefna fatlaðra.

Í hópnum eiga sæti:  

• Þór G. Þórarinsson, skrifstofustjóri í félagsmálaráðuneyti, formaður,
• Gísli Marteinn Baldursson, borgarfulltrúi í Reykjavíkurborg,
• Ragnheiður Hergeirsdóttir, bæjarstjóri Sveitarfélagsins Árborgar,
• Elín R. Líndal, oddviti sveitarstjórnar Húnaþings vestra,
• Jóhannes Finnur Halldórsson, sérfræðingur í félagsmálaráðuneyti,
• Hallgrímur Guðmundsson, sérfræðingur í fjármálaráðuneyti.