Mótun menntastefnu Íslands til ársins 2030 – fundaröð í haust
Pexel„Leiðarljós okkar verður gæðamenntun fyrir alla, á öllum skólastigum,“ segir Lilja Alfreðsdóttir mennta- og menningarmálaráðherra sem hrundið hefur þessu verkefni af stað. „Við viljum fá sem flesta að borðinu og vinna þessa stefnumótun í breiðu og góðu samráði. Það eru mikil sóknarfæri í íslensku menntakerfi, á mörgu góðu að byggja en nú er verkefnið að stilla saman strengi um stefnuna til framtíðar – því lífsgæði okkar þá hvíla á ákvörðunum dagsins í dag.“
Eitt af markmiðum nýrrar menntastefnu verður að tryggja að allir í skólasamfélaginu líti á skólastarf án aðgreiningar sem grundvöll gæðamenntunar fyrir alla nemendur í samræmi við alþjóðlegar skuldbindingar. Sú stefna, kennd við menntun fyrir alla, hefur verið í endurmati og þróun sl. ár og nú er starfandi stýrihópur, á breiðum samstarfsgrundvelli, sem leiða mun þá vinnu áfram. Að henni koma mennta- og menningarmálaráðuneyti, velferðarráðuneyti, ráðuneyti félags- og jafnréttismála og heilbrigðismála, samgöngu- og sveitarstjórnarráðuneyti, Samband íslenskra sveitarfélaga, Kennarasamband Íslands, Skólameistarafélag Íslands, samtökin Heimili og skóli og Háskóli Íslands fyrir hönd kennaramenntastofnana.
Nú á haustmánuðum 2018 gengst stýrihópur þessi fyrir 23 fræðslu- og umræðufundum um allt land um menntun fyrir alla, sem lið í mótun nýrrar menntastefnu. Tveir fundir verða haldnir á hverjum stað, hvor fyrir sinn markhóp.
Fyrri fundurinn verður með forsvarsmönnum sveitarfélaga og ábyrgðaraðilum málaflokka mennta-, velferðar- og heilbrigðismála ásamt fulltrúum aðila í stýrihópnum.
Markmið fundarins verða:
• Að kynna og ræða helstu tillögur sem styðja við framkvæmd gæðamenntunar fyrir alla sem leiðarljós nýrrar menntastefnu.
• Að ræða samstarf allra aðila í heimabyggð er koma að menntamálum og tengingar þeirra við stýrihópinn og aðrar áætlanir stjórnvalda.
Seinni fundurinn verður með fulltrúum kennara og frístundafólks, stjórnendum leik-, grunn- og framhaldsskóla, fulltrúum foreldra, skóla- og félagsþjónustu og forstöðumönnum skóla-, fjölskyldu og frístundamála í heimabyggð.
Markmið fundarins verða:
• Mótun menntastefnu 2030.
• Að ræða sameiginlegan skilning á menntun fyrir alla sem leiðarljós nýrrar menntastefnu til umbóta í skólastarfi og auka þar með jöfnuð meðal allra hópa skólasamfélagsins.
• Að ræða mikilvægi lærdómssamfélags og tækifæri til samstarfs og starfsþróunar á hverjum stað.
• Að ræða þverfaglegt samstarf á sviði mennta-, velferðar- og heilbrigðismála og ráðgjöf við nemendur, starfsfólk og foreldra.
• Að ræða hvernig aðilar í heimabyggð setja verkefni sem tengjast menntun fyrir alla á dagskrá.
Fundayfirlit, með fyrirvara um breytingar:
|
Svæði |
Fundarstaður |
Dagsetning |
|
Suðurland |
Árborg |
Mánudagur 3. september |
|
Suðurland |
Laugalandsskóli |
Þriðjudagur 4. september |
|
Vesturland |
Akranes |
Mánudagur 10. september |
|
Vesturland |
Grundarfjörður |
Þriðjudagur 11. september |
|
Vestfirðir |
Ísafjörður |
Mánudagur 17. september |
|
Norðurland vestra |
Sauðárkrókur |
Mánudagur 24. september |
|
Eyjafjörður |
Akureyri |
Mánudagur 1. október |
|
Eyjafjörður |
Akureyri |
Þriðjudagur 2. október |
|
Norðurland eystra |
Húsavík |
Mánudagur 8. október |
|
Reykjanes |
Reykjanesbær |
Mánudagur 15. október |
|
Austurland |
Egilsstaðir |
Mánudagur 22. október |
|
Austurland |
Reyðarfjörður |
Þriðjudagur 23. október |
|
Hafnarfjörður |
Hafnarfjörður |
Mánudagur 29. október |
|
Garðabær |
Garðabær |
Þriðjudagur 30. október |
|
Hornafjörður |
Höfn |
Miðvikudagur 31. október |
|
Kópavogur |
Kópavogur |
Mánudagur 5. nóvember |
|
Mos/Seltjarnarnes |
Mosfellsbær |
Þriðjudagur 6. nóvember |
|
Reykjavík |
Rimaskóli |
Mánudagur 12. nóvember |
|
Reykjavík |
Seljaskóli |
Þriðjudagur 13. nóvember |
|
Reykjavík |
Árbæjarskóli |
Mánudagur 19. nóvember |
|
Reykjavík |
Laugalækjarskóli |
Þriðjudagur 20. nóvember |
|
Reykjavík |
Hagaskóli |
Mánudagur 26. nóvember |
|
Reykjavík |
Háteigsskóli |
Þriðjudagur 27. nóvember |
Nánari staðsetning og tímasetningar verða kynntar síðar.