Skipan nýs vegamálastjóra

Jón Rögnvaldsson lauk stúdentsprófi frá Menntaskólanum á Akureyri 1959, og prófi í byggingarverkfræði með vega- og brúargerð sem sérgrein frá Tækniháskólanum í Stuttgart árið 1964.

Jón hóf störf hjá Vegagerðinni að námi loknu. Hann var umdæmisverkfræðingur á Vesturlandi til ársins 1969, deildarverkfræðingur við veghönnun til 1976, yfirverkfræðingur áætlanadeildar til 1992, forstöðumaður tæknisviðs til 1995 og loks hefur hann gegnt stöðu aðstoðarvegamálastjóra frá árinu 1995.