Mál nr. 72/2015 Úrskurður 30. september 2015

Mál nr. 72/2015                     Millinafn:       Thor

Hinn 30. september 2015 kveður mannanafnanefnd upp svohljóðandi úrskurð í máli 72/2015 en erindið barst nefndinni 28. september:

Samkvæmt 2. mgr. 6. gr. laga nr. 45/1996, um mannanöfn, eru nöfn, sem aðeins hafa unnið sér hefð í íslensku máli sem annaðhvort eiginnöfn karla eða kvenna, ekki heimil sem millinöfn. Nafnið Thor hefur verið notað sem eiginnafn karla í íslensku. Á millinafnið Thor er því ekki heimilt að fallast.

Úrskurðarorð:

Hafnað er beiðni um millinafnið Thor.