Afhending trúnaðarbréfs á Evrópuskrifstofu Sameinuðu þjóðanna
![Martin Eyjólfsson, sendiherra, ásamt Kassym-Jomart Tokayev, framkvæmdastjóra Evrópuskrifstofu Sameinuðu þjóðanna í Genf](/media/utanrikisraduneyti-media/media/Frettamyndir/ME-AfhendingUN-Genf.jpg?proc=singleNewsItem)
Martin Eyjólfsson, sendiherra og fastafulltrúi Íslands í Genf, afhenti Kassym-Jomart Tokayev, framkvæmdastjóra Evrópuskrifstofu Sameinuðu þjóðanna í Genf, trúnaðarbréf þann 5. september sl.
Fastanefnd Íslands í Genf fer með fyrirsvar Íslands innan Fríverslunarsamtaka Evrópu (EFTA), gagnvart Alþjóðaviðskipastofnuninni (WTO), Sameinuðu þjóðunum og undirstofnunum þeirra, og Alþjóðarauðakrossinum (ICRC), auk annarra alþjóðastofnana í Genf, svo sem Alþjóðaheilbrigðis-stofnuninni (WHO), Alþjóðavinnumálastofnuninni (ILO) og Alþjóða- hugverkaréttarstofnuninni (WIPO). Fastanefndin er auk þess sendiráð Íslands gagnvart Liechtenstein.