Nýsköpun í stoðtækjum
Sendiherra var heiðursgestur á XXVI kaupstefnu Samtaka fyrirtækja í stoðtækjaframleiðslu (Orthotics and Prosthetics Association of India, OPAI) í borginni Góa á vesturströnd Indlands 28. mars og flutti þar ræðu um nýsköpun á Íslandi. Fjölmörg fyrirtæki á Indlandi sýndu þar framleiðslu sína og var íslenska fyrirtækið Össur India helsti stuðningsaðili kaupstefnunnar. Forstjóri Össur India er Marco Scarsi. Þátttakan í kaupstefnunni var framhald af málstofu sendiráðsins um nýsköpun í heilbrigði sem sendiráðið stóð fyrir í Delí fyrr á árinu. Össur India var með umfangsmestu kynninguna á kaupstefnunni og kynnti nýja tækni og nýsköpun í framleiðslunni. Á meðal þátttakenda voru allnokkrir einstaklingar sem notið höfðu góðs af nýrri tækni fyrirtækisins. Á meðal þeirra voru einstaklingar sem hafa tekið þátt í íþróttum og keppni af ýmsu tagi.
