Fundir stjórnvalda og aðila vinnumarkaðarins

• Fundagögn birt
• Verkefnum lokið eða í vinnslu
• Virkt samráð um mikilvæg viðfangsefni

Ríkisstjórn Katrínar Jakobsdóttur og aðilar vinnumarkaðarins hafa fundað um ýmis viðfangsefni sem lúta að samskiptum vinnumarkaðarins og stjórnvalda frá því í desember 2017.

Fundirnir hafa verið tíu talsins og allir verið haldnir í Ráðherrabústaðnum við Tjarnargötu. Fundina hafa setið forsvarsmenn heildarsamtaka á vinnumarkaði, þ.e. Samtaka atvinnulífsins, Alþýðusambands Íslands, BSRB, Bandalags háskólamanna og Kennarasambands Íslands auk forsvarsmanna Sambands íslenskra sveitarfélaga og ríkisstjórnarinnar, þ.e. forsætisráðherra, fjármála- og efnahagsráðherra og samgöngu- og sveitarstjórnarráðherra. Þá hefur ríkissáttasemjari sótt fundina auk þess sem félags- og jafnréttismálaráðherra og mennta- og menningarmálaráðherra hafa sótt fundi eftir þörfum.

Umræðuefni á fundunum hafa verið eftirfarandi:

1. Kjararáð og launaþróun kjörinna fulltrúa og embættismanna
2. Launatölfræði og hagnýting hennar
3. Áherslur stjórnvalda í félagslegum umbótum og félagslegur stöðugleiki
4. Stefna í húsnæðismálum
5. Staða og stefnumörkun um sjóði vinnumarkaðarins – Atvinnuleysistryggingar, fæðingarorlof og ábyrgðarsjóð launa
6. Stefna í menntamálum
7. Staða efnahagsmála og hagstjórn
8. Útvíkkun Þjóðhagsráðs
9. Sögulegt samspil launa, bóta, skatta og ráðstöfunartekna
10. Endurskoðun tekjuskattskerfis

Eftirfarandi verkefnum, sem leiða af samtali stjórnvalda og aðila vinnumarkaðarins, er lokið:

1. Hækkun atvinnuleysistrygginga
2. Hækkun hámarksgreiðslna Ábyrgðarsjóðs launa
3. Kjararáð lagt niður

Önnur verkefni sem eru í vinnslu:

1. Endurskoðun tekjuskattskerfis
2. Frumvarp um nýtt fyrirkomulag launa kjörinna fulltrúa
3. Hagsveifluleiðrétt atvinnuleysistryggingagjald 
4. Úttekt á Fræðslusjóði
5. Starfshópur um umbætur á úrvinnslu og nýtingu launatölfræðiupplýsinga
6. Upptaka launaupplýsinga frá öllum launagreiðendum að norskri fyrirmynd
7. Skattlagning greiðslna úr sjúkrasjóðum
8. Yfirlýsing vegna kjarasamninga við BHM
9. Tilraunaverkefni um styttingu vinnuvikunnar

Hér má finna það efni sem hefur verið lagt fram á fundunum en þar hafa ýmsir aðilar lagt fram gögn og kynningar:

• Samstarf stjórnvalda og aðila vinnumarkaðarins
• Samráðsfundir - dagskrár og gögn