Menningar- og viðskiptaráðherra fundaði með framkvæmdastjóra Norrænu ráðherranefndarinnar
.jpg)
MVFKaren Ellemann tók við stöðunni 1. janúar á þessu ári, sama dag og Ísland tók við formennsku í nefndinni. Fundurinn fór fram í menningar- og viðskiptaráðuneytinu. Ræddu þær meðal annars um mikilvægi norrænnar samvinnu á sviði menningarmála. Ræddu þær einnig þann mikla norræna bókmenntaarf sem Norðurlöndin búa að og framlag Íslands til heimsbókmenntanna í gegnum aldirnar.
Karen Ellemann sat á danska þinginu frá árinu 2007 til 2022 og hefur jafnframt átt sæti í Norðurlandaráði. Hún hefur verið jafnréttisráðherra, umhverfisráðherra og félagsmála- og innanríkisráðherra. Auk þess hefur hún nokkrum sinnum verið sá ráðherra í Danmörku sem hefur farið með málefni norræns samstarfs.