Síðasti nýi kafli Djúpvegar í notkun
Með þessum vegarkafla milli Eyra í Ísafjarðardjúpi og Hörtnár í Mjóafirði er nú unnt að aka á bundnu slitlagi allt milli Bolungarvíkur og Hólmavíkur. Alls er þessi síðasti áfangi Djúpvegar rúmlega 28 km langur og hefur verið unninn í þremur útboðsverkum og hófst verkið árið 2005.
Kristján L. Möller sagði við opnunina að verkið væri ein mesta samgöngubót á Vestfjörðum í áraraðir og þakkaði hann verktökunum KNH og Vestfirskum verktökum vel unnið verk og Vegagerðinni fyrir hennar hlut að máli við hönnun og undirbúning.
Hreinn Haraldsson vegamálastjóri þakkaði sömuleiðis verktökunum og í samsæti í Reykjanesi eftir að klippt hafði verið á borða á brúnni fluttu sveitarstjórnarmenn, þingmenn og fyrrverandi samgönguráðherra og fleiri ávörp þar sem fagnað var þessum áfanga.
|
|
|