Tímabundið í stöðu upplýsingafulltrúa

Elva Björk Sverrisdóttir hefur tekið tímabundið við stöðu upplýsingafulltrúa í heilbrigðisráðuneytinu. Hún leysir Helga Má Arthursson af, en hann er í leyfi.

Elva Björk starfaði um árabil sem blaðamaður og kvöldfréttastjóri á Morgunblaðinu. Hún átti um fimm ára skeið sæti í stjórn Blaðamannafélags Íslands og gegndi síðasta árið stöðu varaformanns í félaginu.

Elva Björk hefur meistaragráðu í alþjóðasamskiptum frá London School of Economics. Þá er hún stjórnmálafræðingur frá Háskóla Íslands.