23. maí 2023 Matvælaráðuneytið

Niðurstöður um úthlutun á WTO tollkvóta á landbúnaðarafurðum fyrir tímabilið 1. júlí 2023 til 30. júní 2024

Föstudaginn 12. maí 2023 rann út umsóknarfrestur um tollkvóta vegna innflutnings á nauta-, svína-, kinda-, geita- og alifuglakjöti, unnum kjötvörum, smjöri og ostum og eggjum á grundvelli reglugerðar nr. 337/2023, fyrir tímabilið 1. júlí 2023 til 30. júní 2024. Útboðsverð tollkvóta ræðst af lægsta samþykkta tilboði í hverjum vörulið, þ.e. jafnvægisverði. Tilboð eru samþykkt frá hæsta boði til þess lægsta innan þess magns tollkvóta sem í boði er.

Samtals bárust nítján gild tilboð í tollkvótann.

Tólf tilboð bárust um innflutning á nautgripakjöti, samtals 527.001 kg á meðalverðinu 290 kr./kg. Hæsta boð var 1.290 kr./kg en lægsta boð var 0 kr./kg. Tilboðum var tekið frá þremur fyrirtækjum um innflutning á 95.000 kg á jafnvægisverðinu 680 kr./kg.

Sex tilboð bárust um innflutning á svínakjöti, samtals 171.500 kg á meðalverðinu 42 kr./kg. Hæsta boð var 250 kr./kg en lægsta boð var 0 kr./kg. Tilboðum var tekið frá tveimur fyrirtækjum um innflutning á 64.000 kg á jafnvægisverðinu 3 kr./kg.

Fimm tilboð bárust um innflutning á kinda- eða geitakjöti, samtals 760.000 kg á meðalverðinu 9 kr./kg. Hæsta boð var 301 kr./kg en lægsta boð var 0 kr./kg. Tilboðum var tekið frá fjórum fyrirtækjum um innflutning á 345.000 kg á jafnvægisverðinu 1 kr./kg.

Tíu tilboð bárust um innflutning á kjöti af alifuglum, samtals 299.000 kg á meðalverðinu 147 kr./kg. Hæsta boð var 311 kr./kg en lægsta boð var 0 kr./kg. Tilboðum var tekið frá tveimur fyrirtækjum um innflutning á 59.000 kg á jafnvægisverðinu 301 kr./kg.

Fjögur tilboð bárust um innflutning á smjöri og fitu, samtals 115.800 kg á meðalverðinu 1 kr./kg. Hæsta boð var 20 kr./kg en lægsta boð var 0 kr./kg. Tilboðum var tekið frá þremur fyrirtækjum um innflutning á 53.000 kg á jafnvægisverðinu 1 kr./kg.

Þrettán tilboð bárust í tollkvóta vegna innflutnings á ostum, samtals 553.500 kg á meðalverðinu 215 kr./kg. Hæsta boð var 622 kr./kg en lægsta boð var 0 kr./kg. Tilboðum var tekið frá níu fyrirtækjum um innflutning á 119.000 kg á jafnvægisverðinu 461 kr./kg.

Fimm tilboð bárust um innflutning á eggjum og afurðum þeirra, samtals 254.000 kg á meðalverðinu 13 kr./kg. Hæsta boð var 103 kr./kg en lægsta boð var 0 kr./kg. Tilboðum var tekið frá tveimur fyrirtækjum um innflutning á 76.000 kg á jafnvægisverðinu 21 kr./kg.

Þrettán tilboð bárust í tollkvóta vegna innflutnings á unnum kjötvörum, samtals 438.000 kg á meðalverðinu 254 kr./kg. Hæsta boð var 800 kr./kg en lægsta boð var 0 kr./kg. Tilboðum var tekið frá þremur fyrirtækjum um innflutning á 86.000 kg á jafnvægisverðinu 630 kr./kg.

Matvælaráðuneytið hefur úthlutað tollkvótum til eftirtalinna fyrirtækja á grundvelli tilboða og/eða umsókna þeirra:

Nautgripakjöt fyrir tímabilið júlí 2023 - júní 2024

Magn (kg)	Tilboðsgjafi
45.500	Háihólmi ehf
31.000	Kjötmarkaðurinn ehf
18.500	OJK – Ísam ehf

Svínakjöt fyrir tímabilið júlí 2023 - júní 2024

Magn (kg)	Tilboðsgjafi
30.000	Kjarnafæði Norðlenska hf
34.000	LL42 ehf

Kinda- og geitakjöt fyrir tímabilið júlí 2023 - júní 2024

Magn (kg)	Tilboðsgjafi
40.000	Kjarnafæði Norðlenska hf
20.000	Krónan ehf
276.972	LL42 ehf
8.028	Samkaup hf

Alifuglakjöt fyrir tímabilið júlí 2023 - júní 2024

Magn (kg)	Tilboðsgjafi
11.000	Krónan ehf
48.000	Mata hf

Smjör fyrir tímabilið júlí 2023 - júní 2024

Magn (kg)	Tilboðsgjafi
2.747	Innnes ehf
1.716	Krónan ehf
48.537	LL42 ehf

Ostur fyrir tímabilið júlí 2023 - júní 2024

Magn (kg)	Tilboðsgjafi
12.000	Aðföng
15.000	Garri ehf
31.200	Innnes ehf
10.000	KFC ehf
40.800	Krónan hf
500	Mata hf
3.000	Nathan & Olsen hf
1.500	Nautica ehf
5.000	Samkaup hf