Stjórnarráð Íslands tekur þátt í Framadögum
Á Framadögum gefst háskólanemum tækifæri á að kynna sér starfmöguleika hjá ýmsum fyrirtækjum og stofnunum og ræða við starfsmenn þeirra við kynningarbása ásamt því að fyrirtæki og stofnanir ná að vekja á sér athygli og þeim möguleikum sem þau hafa upp á að bjóða fyrir ungt fólk.
Hugmyndin á bak við kynningarbás Stjórnarráðsins er m.a. að sýna hve nátengd störf starfsfólks þar eru ákvörðunum valdhafa á hverjum tíma fyrir sig, með fyrirsögninni Komdu við sögu.
Framadagar eru haldnir á hverju ári og eru á vegum ungmennasamtakanna AIESEC og skipulagðir af nemendum úr háskólum landsins.
